مستحقین زکوٰۃ
جن کیلئے زکوٰۃ دیناواجب ہے وہ آٹھ اقسام ہیںجو اس فرمان الٰہی میںمذکور ہیں۔ بیشک صدقات فقراء، مساکین، صدقات کیلئے کام کرنیوالے، دلوںمیںالفت پیدا کرنے کیلئے ،غلام کو آزاد کرنے کیلئے، مقروضوں کا قرض اتارنے کیلئے ‘اللہ کے راستے میںاور مسافروں کیلئے ہیں۔یہ اللہ کی طرف سے واجب ہے اور اللہ بہت علم او ر حکمت والاہے۔
۱،۲۔ فقرا ء اور مساکین
فقر اء اور مساکین وہ لوگ ہیںجن کے پاس یاتوکوئی چیزموجود نہ ہو اوراگرہیں بھی اپنے اور اہل وعیال کے سال کے خرچہ کیلئے کافی نہیں۔
۳۔ عاملین عاملین وہ لوگ ہیںجو صدقات جمع کرنے اور ان کی حفاظت کیلئے کوشاں رہتے ہیں ۔
۴۔ دلوں کی تالیف والے دلوںکی تالیف والے وہ ہیںجن کو رعایت دینے سے مسلمانوںکوفائدہ پہنچتا ہو اور اسلام کو تقویت ملتی ہو ۔ اگر مدد ترک کردی جائے توبرعکس نتیجہ نکلتاہو، پس ہرایسا شخص انہی اصحاب تالیف میںشمار ہوگا ،چاہے کافرہویا کوئی اور ہو۔
۵۔غلام آزاد کرانا فی الرقاب سے مراد وہ غلام ہے جو اپنے آپ کو ،اپنی اولاد کو یا اپنی بیوی کوخریدے ۔ یا وہ شخص جو مالک کی جانب سے مشقت میں مبتلاہو اوراسکی قیمت اسکے اپنے ذمے ہو۔
۶۔ قرضدار غارموں سے ہر وہ مقروض مراد ہے جو مال کی قلت اور اہل وعیا ل کی کثر ت کے باعث واپسی سے قاصر ہو۔ اگر زکوٰۃدینے والے کاقرضہ ایسے مقروض کے ذمے واجب ہو تو اس کا ذمہ بری کرنے سے اسکی زکوٰۃاداہوجائےگی۔
۷۔ فی سبیل اللہ فی سبیل اللہ سے مراد وہ شخص ہے جو جہاد اکبر یا جہاد اصغر کی صورت میںجہاد کرتا ہو یا ایسی بستی میں مسجدبنائے جہاں مسجد نہ ہو یا تالاب بنائےیا بیابانوں اور شہر وں میں جہاں لوگوںکوضرورت ہو، مسافر خانہ بنائے ۔
۸۔ مسافر مسافر وہ شخص ہے جوسفر میںتنگدست ہو : اگرچہ وہ اپنے گھر میںمالدارہی کیوںنہ ہو مہمان بھی اسی زمرے میںآتاہے۔
مستحقین صدقہ کی شرط صدقہ کے ان تمام مستحقین کیلئے شرط یہ ہے کہ وہ شریر لو گوں میں سے نہ ہو اور اگر یہ مستحقین اچھے لوگوںمیں سے ہوںتواس عظیم نیکی کی توفیق ہونیوالے زکوٰۃ دہندہ کیلئے خوشخبری ہے ۔