غلہ جات میں نباتاتی اشیاء میں گند م اور جَو۔ پھلوں میںکھجور اورکشمش، چاہے تر ہو یا خشک دونوں پر زکوٰۃ واجب ہے۔ان میں سے کسی پر بھی زکوٰۃ نصاب کے بعد ہی واجب ہوتی ہے یہ نصاب پانچ وسق کا ہوناہے،یہ تعداد من صغیر کے حساب سے آٹھ سو من ہے اورمن کبیر جس کا وزن چھ سو درہم کے برابر ہے، کے حساب سے تین سو چھیالیس اور دوتہائی من ہے۔
نباتات پر زکوٰۃ کب واجب ہوگی ؟ ان چیزوں پر زکوٰۃ ان کے حصول کے وقت کیساتھ لازم ہوگی۔ چنانچہ گندم اور جَو پر انکے بھوسے سے الگ ہوتے ہی اور کھجو ر اور کشمش پر سرخ اور زرد رنگت کے وقت زکوٰۃ واجب ہوگییعنی نباتات میںسال گزرنے کی شرط نہیں ۔یہ اگر بارش یاچشمو ں یانہری پانی سے حاصل ہوئی ہو تو دسواں حصہ اور اگر رہٹ ‘ ڈھول یاحیوان کے ذریعے حاصل کردہ پانی سے ہوئی ہو تواس میں بیسواںحصہ واجب ہے۔ عشر اسکے اسباب کے اخراجات کے بعد ہی ادا کیاجائے ۔