صوفیہ امامیہ نوربخشیہ

پہلی بار قرآن پاک کا ترجمہ:‌تقریب رونمائی شب قدر کو ہوگی


04/06/2018

بسم اللہ الرحمن الرحیم
الحمد للہ رب العالمین۔ والصلاۃ و السلام علی سیدنا محمد صلی اللہ علیہ و آلہ وسلم و علی آلہ الطیبین الطاہرین المعصومین المظلومین

نوربخشی عوام کیلئے ایک اور روح پرور، ایمان افزا اور عظیم خوشخبری، نوربخشی تاریخ میں پہلی بار ”قرآن حکیم“ کا اردو ترجمہ منظر عام پر آگیا ہے۔
مترجمہ، علامہ سید علی الموسوی مدظلہ العالی
اشاعت کی سعادت انجمن فلاح و بہبودی نوربخشی بلتستانیاں رجسٹرڈ کراچی کو حاصل ہوئی ہے جبکہ جامعہ اسلامیہ صوفیہ امامیہ نوربخشیہ کراچی کے کے اساتذہ کرام مہتمم جناب علامہ شیخ سکندر حسین، نائب مہتمم جناب علامہ الحاج شیخ محمد محسن اشراقی اور مولانا محمد حسن شادہ سمیت دیگر علما کرام نے انتہائی جانفشانی اور عرقریزی سے اشاعت کے مراحل میں کام کیا ہے.
انتہائی سلیس زبان‘انتہائی دیدہ زیب، دو رنگوں اور مضبوط جلد بندی میں . بہت جلد Noorbakhshia.comپر بھی ترجمہ دستیاب ہوگا

اس قرآن پاک مترجمہ کی تقریب رونمائی شب قدر یعنی شب نزول قرآن گیارہ جون 2018 بمطابق 26 رمضان المبارک 1439 کو جامع مسجد صوفیہ امامیہ نوربخشیہ محمود آباد کراچی منعقد ہوگی تقریب سے علمائے کرام اور انجمن کے صدر خطاب کرینگے.

پہلی بار اردو میں قرآن مجید کا انتہائی سلیس زبان میں ترجمہ کرنے پر سب سے پہلے نوربخشیہ آئی ٹی ٹیم جناب فخر صوفیہ امامیہ نوربخشیہ علامہ سید علی الموسوی کو مبارکباد پیش کرتی ہے۔ اس کے بعد جامعہ اسلامیہ صوفیہ امامیہ نوربخشیہ کے علمائے کرام اور انجمن فلاح و بہبودی نوربخشی بلتستانیاں رجسٹرڈ کراچی کے اراکین کو بھی دل کی اتھاہ گہرائیوں سے مبارکباد پیش کرتی ہے کیونکہ ان کے تعاون، محنت اور خلوص سے ہی یہ سنگ میل طے کرنا ممکن ہوا ہے ۔ ساتھ ہی پہلی بار ملت نوربخشیہ کی جانب سے قرآن پاک کا ترجمہ منظر عام پر لانے پر پوری قوم کو مبارکباد پیش کرتی ہے.
۔ اللہ تعالی ہمیں اسی طرح دین حقہ کی خدمت کی توفیق عطا فرماتا رہے ۔ آمین یا رب العالمین